Федералната банка на САД денес во оптек ќе ја пушти новата банкнота од 100 американски долари. На оваа банкнота се работело повеќе од 10 години, а главната цел на промената е за да се спречи фалсификувањето.
Банкнотата има повеќе специјални заштити, а ќе биде дистрибуирана од страна на Федералната банка на САД, која не е погодена од финансиската блокада на владата. Дистрибуцијата до испоставите ширум САД ќе биде со блиндирани камиони, па веќе од утре, американските граѓани ќе почнат да ги добиваат овие банкноти.
Како што изјавија од банката, направени се 3,5 милијарди нови банкноти, а редизајнот доаѓа за прв пат после март 1966 година, од кога датира дизајнот на досегашните 100 долари.
На предната страна на новата банкнота се наоѓа ликот на Бенџамин Френклин, а на задната салата на независноста во Филаделфија, како и повеќе нови детали.