Според најавите од Министерството за економија и раководството на компанијата, до крајот на месец јули најверојатно ќе биде објавен третиот по ред тендер за Еурокомпозит 11 Октомври.
На следниот јавен повик за продажба компанијата ќе брои помалку вработени –по пат на доброволно заминување околу 50 работници наскоро ќе ја напуштат фирмата како технолошки вишок со исплата на отпремнина во висина од 1500 евра.
Најголема пречка за нередовната исплата на бруто-плати е нередовната продуктивност, како и неколкуте прекини на договорите состранските партнери,при што од менаџментот истакнуваат дека се прават напори за враќање на довербата.
На последната втора јавна објава за продажба на Еурокомпозит неколку фирми подигнале тендерска документација, но ниту една не доставила понуда до крајниот рок – 6 јуни.
Неодамна, министерот за економија, Ваљон Сараќини, најави дека хрватскиот гигант Ѓуро Ѓаковиќ е заинтересиран за инвестирање во прилепскиот загубар. Доколку е така, наредниот тендер треба да го даде дефинитивниот одговор за решавање на судбината на компанијата.
А.Ш.