Оваа година Русија на украинските полиња зела жито во вредност од приближно една милијарда долари, објави американската вселенска агенција НАСА.
Околу 5,8 милиони тони пченица се собрани на полиња во подрачја „не под украинска контрола“, објави НАСА Харвест, програма на агенцијата за безбедност на храна и земјоделство.
НАСА Харвест во соработка со неколку партнерски институции користела сателитски податоци и моделирање за истражување. Вкупно, годинава на украинска територија се собрани 26,6 милиони тони пченица, што е значително повеќе од минатогодишните предвидувања, проценуваат научниците вклучени во истражувачкиот проект.
Иако ова е намалено од минатогодишниот рекорд од 33 милиони тони, обемот е сè уште блиску до петгодишниот просек од 27,9 милиони тони.
Украина немаше пристап до 22 отсто жито во источниот дел на земјата поради тековната војна.
Според НАСА, вкупно 88 отсто од минатогодишните зимски култури биле собрани во области кои не се контролирани од Украина. Неожнеаното жито најчесто се наоѓа на полињата во близина на линијата на фронтот.