Додека земјоделците протестираа и го блокираа патот, камиони за откуп чекаа да откупуваат лубеници во Струмица, велат од Министерството за земјоделство, шумарство и водостопанство.
„Очигледно е дека некој ги доведува во заблуда земјоделците, откуп на бостан и денеска се врши во Струмичко. Во последните 7 дена се откупени 800 тони лубеница, а само за денес е планиран откуп на околу 130 тони лубеница. Според Подрачната единица во Струмица, во следните денови се планира откуп уште на 200 тони. Откупната цена е задоволителна и се движи од 3 до 4 денари по килограм“, велат од таму.
Од Министерството додаваат дека и натаму ја следат состојбата на терен и ќе интервенираат доколку за тоа има потреба.