Министерството за финансии го подготви предлог буџетот за 2017 година и денеска или в понеделник ќе го достави до Владата, најави министерот за финансии Кирил Миновски во дебатата на ТВ Нова на која гостуваа заедно со дополнителниот-заменик министер за финансии, Кире Наумов.
Миновски рече дека Министерството за финансии и Владата имаат обврска да го достават предлог буџетот до Собранието, а на пратениците е дали ќе го изгласаат или не. Наведе и дека донесувањето на буџетот за догодина е препорака на меѓунардоните финансиски институции.
Дополнителниот заменик министер за финансии Кире Наумов рече дека е против донесување на буџетот за 2017 пред изборите, и наместо тоа предлага да се примени времено финансирање.
Собранието на Република Македонија, според политичкиот договор за излез од кризата, треба да се распушти на 12 октомври, а предвремените парламентрани избори да се одржат на 11 декември годинава.