Земјоделските производители од прилепскиот регион сè помалку се заинтересирани за поднесување пријави за добивање субвенции, велат од подрачното Министерство за земјоделие. И покрај продолжениот рок до 20 септември за поднесување на барањата од страна на Владата, сепак, прилепските земјоделци не покажувале зголемен интерес.
Од општините Прилеп, Кривогаштани и Долнени досега биле примени околу 2700 апликации, а надлежните од подрачното Министерство за земјоделство истакнуваат дека очекувале околу 4500.
Да дојдат што побрзо, затоа што бавно оди тоа исцртување, проверка и внесување на парцелите. Затоа ги замолуваме да дојдат да извршиме проверка и да си аплицираат за добивање на субвенциите – изјави раководителот на подрачното одделение, Костадин Дурланов.
Земјоделците се жалат на потребната огромна документација, а од Министерството, пак, истакнуваат дека се направени измени на одредени мерки со цел олеснување на добивањето на субвенциите во интерес на земјоделците.
А.Ш.