На Меѓународниот монетарен фонд (ММФ) и владите на земјите членки на евро зоната потребно им е повеќе време за да постигнат договор за долгот на Грција, изјави директорката на ММФ, Кристин Лагард на средбата на министрите за финансии и директорите на централните банки на Г-7, што се одржува во италијанскиот град Бари.
Претставници на евро зоната и Лагард утрово разговараа за олеснување на грчкиот долг, што Еврогрупата го вети во мај 2016 година, но при строги услови.
– Ќе продолжам да работам на тој пакет за олеснување на долгот. Се уште многу работи не се јасни. Европските партнери треба да се попрецизни за олеснување на долгот, што е наталожен, истакна Лагард.