Катарската инвестициска агенција планира да зголеми износ на инвестиции во САД од околу 30 на 45 милијарди долари во следните две години. Тоа го изјави еден од челниците на на таа агенција.
-Катарскиот фонд сака да избалансира инвестиции САД-Европа, изјави Мансур бин Ебрахим ал Махмуд, извршен директор на Агенцијата.
Од МНР на Катар напоменуваат дека денешните разговори на американскиот државен секретар Мајк Помпео со катарски официјални претставници се втора рунда од американско-катарскиот дијалог, и ќе бидат фокусирани на прашања од полето на политиката, економијата, одбраната и културата. Првата стратешка рунда беше одржана во јануари минатата година во САД.