Грција не ја спроведе програмата договорена со меѓународните кредитори од Европската унија, Европската централна банка и Меѓународниот монетарен фонд, изјави претседателот на Еврогрупата Жан-Клод Јункер во интервју за германскиот весник „Шпигел“.
Очигледно е дека ќе чини повеќе пари, ако и дадеме на Грција повеќе време за реализирање на целите. Само откако тројката меѓународни претставници ќе го изработи својот извештај за Грција, ќе можеме да знаеме дали Европејците и фондот се подготвени да ги обезбедат тие пари, истакна Јункер.
Според весникот „Шпигел“ претседателот на Еврогрупата смета дека во септември ќе се знае дали Грција може да остане во еврозоната.