Јапонската пиварница „Асахи Груп Холдингс“ го купува чешкиот производител на пиво „Плзењски праздрој“ и други источноевропски брендови на компанијата „САБМилер“ за 7,3 милијарди евра, објави компанијата.
Според чешките аналитичари, како што јави дописникот на МИА од Прага, крајната понудена цена е за една милијарда евра поголема од нивните очекувања и се работи за еден од најголемите договори за купопродажба во историјата на јапонската пиварница,.
– Од целата продавана група за инвеститорите најинтересен е „Праздрој“ и останатите брендови симболично речено „се закачија“ за него, коментира аналитичарот Петр Криж.
Меѓу 200 видови на пиво, кои ги нуди „Прашкиот праздрој“, пиварница која е стара повеќе од 170 години, најпознато е „Пилснер Ургел“.
Јапонската пиварнива во Прага, 16 години го произведува својот најпопуларен бренд „Супер драј“, кој се продава во цела Европа. Пивото се подготвува по нарачка во конкурентот на „Праздрој“, „Пиварници Старопрамен“.