Хилберс од ММФ: Мерките и одлуките на Народната банка придонесоа за помали последици од пандемијата врз македонската економија

Од:

Гувернерката на Народната банка, Анита Ангеловска-Бежоска одржа состанок со извршниот директор на Конституенцата во ММФ, Пол Хилберс.

Навремените и соодветни мерки и одлуки на централната банка во доменот на монетарната политика и финансискиот сектор придонесоа за намалување на последиците од кризата врз македонската економија и за одржување на финансиската стабилност, ова меѓу другото беше истакнато од страна на Хилберс на состанокот во рамките на Пролетните средби на ММФ и Светската банка.

Тој изрази целосна поддршка за политиките коишто се водат од централната банка и за мерките преземени досега, во услови на глобална пандемија и голем број предизвици. Притоа, нагласи дека неизвесноста предизвикана од здравствената криза и понатаму постои во глобални рамки, што наметнува потреба од постојана подготвеност на носителите на политиките за навремена реакција.

На состанокот беше заклучено дека треба да се продолжи со стимулативните политики, сѐ додека на повидок нема целосно економско закрепнување, информираат од кабинетот на гувернерката.

Имајќи ја предвид специфичноста на глобалната криза од пандемијата и улогата на политиките на централните банки во ублажувањето на ефектите од кризата, на состанокот уште еднаш била нагласена значајноста на независноста на централните банки и поддршката којашто ја добива Народната банка во овој поглед од ММФ, а со залагања и на Конституенцата.

На состанокот било истакнато дека Конституенцата и натаму максимално ќе ги застапува интересите на нашата земја во рамките на активностите на ММФ.

Би можело да ве интересира

Нацевска: Мерките на НБ дадоа резултати во досегашниот тек на корона кризата

Ана Ололовска

МФ: Јавниот и државниот долг за прво тримесечје во рамки на планираното

Жарко Настоски

Ангеловска-Бежоска: Денарот е еден од клучните столбови на македонската економија

Ана Ололовска

Се подготвува национална стратегија за поддршка на развојот на финтек-секторот

Ана Ололовска

Народна банка: Раст на депозитите и на кредитите во март

Ана Ололовска

Совет на НБ: Олеснување на вложувањето во хартии од вредност во странство

Ана Ололовска