Претседателот на Европската комисија Жан-Клод Јункер сака да ја укине мисијата на „тројката“ меѓународни кредитори, кои управуваат со спасувачкиот план за Грција, соопштија британските медиуми, повикувајќи се на германскиот весник „Ханделсблат“, што цитира извори од ЕК.
– Треба брзо да најдеме алтернатива, изјавиле неименувани извори.
Според германски владини извори, Берлин, исто така, е подготвен за реформирање на договорите меѓу Грција и „тројката“, во која се вклучени ЕК, Европската централна банка и Меѓдународниот монетарен фонд, и определувањето на генералните економски цели.
Според „Ханделсблат“, меѓутоа, тоа ќе биде можно само доколку Грција прифати дека е неопходно да се приддржува кон претходно договорениот курс на реформи и штедење.
Новата грчка Влада на премиерот Алексис Ципрас изјавува дека сака да ги заврши спасувачките спогодби и дека нема да преговара со инспекторите на „тројката“ во Атина. Тоа кажува дека таа сака да преговара директно со европските власти и ММФ за нова спогодба, која ќа овозможи намалување на грчкиот долг.
Јункер, кој во среда во Брисел треба да се сретне со Ципрас, изјави дека не е подготвен да прифати какво и да е директно намалување на грчкиот долг, забележаа британските медиуми.