Општина Кочани доби грант од Владата на Јапонија во рамки на активностите за поддршка на мали проекти. Се работи за средства во износ од 51.500 евра за проектот набавка на возило за смет за општина Кочани.
– Набавката на возилото е од големо значење за решавање на проблемот за собирање на комуналниот смет во општината и ќе овозможи подобрување на квалитетот на животната средина, вели градоначалникот на Кочани Ратко Димитровски.
Целта на Владата на Јапонија е да помогне во унапредувањето на образовните и санитарните услови како незаменливи за создавање основни животни услови за целото население.