Плафонот за буџетот на Европскиот мировен фонд, преку кој се координира воената помош на ЕУ за Украина, ќе биде покачен за две милијарди евра во 2023.
Оваа политичка одлука денеска ја постигна Советот на ЕУ во рамките на дискусијата за финансиската одржливост на овој фонд.
ЕУ остава можност плафонот дополнително да се зголеми до 5,5 милијарди евра ако биде потребно.
За шефот на ЕУ дипломатијата, Жозеп Борел, ова е доказ дека ЕУ ќе може да обезбеди конкретна воена помош за војските на земјите партнери.
-За помалку од две години Европскиот мировен фонд ја докажа својата вредност, тој комплетно го смени начинот на кој им помагаме на нашите партнери во одбраната, рече Борел
Договорот треба да биде формално усвоен на почетокот на 2023 и да преставува “јасен политички сигнал“ дека ЕУ е трајно посветена да и помага воено на Украина и на други партнери. Меѓу нив се Босна и Херцеговина, Молдавија, Грузија, Мозамбик, Мали, Сомалија, Либан и други.
Извор: МИА