Европската комисија денеска побара од Грција да ги зголеми даноците на локалните алкохолни пијалоци „ципуро“ (грчка ракија) и „цикудја“ и да ги доведе на ниво на даноците на другите алкохолни пијалоци.
Комисијата, исто така, е против исклучително ниската стапка на данок на истиот пијалок кога е произведен од страна на земјоделците со користење на т.н. „дводневна дестилација“.
Според образложението на Европската комисија, двата даноци се во спротивност со правилата за данок на потрошувачка на ЕУ и ги фаворизираат локално произведените алкохолни пијалоци во однос на оние кои се произведени во други земји-членки, што е прекршување на правилата на ЕУ за слободно движење на стоки.
Грција сега има два месеци за да одговори, по што Комисијата може да го упати предметот до Европскиот суд за правда.