САД ќе можат да ги исполнат своите буџетски обврски до почетокот на септември без да се крева плафонот на долгот, што е предмет на жестока битка во Конгресот, соопшти министерот за финансии Џејкоб Лу, цитиран од агенциите.
Вонредните мерки на администрацијата на Обама, за да се избегне прогласувањето инсолвентност на земјата, „нема да се исцрпат пред Денот на трудот“, 2 септември, пишува Лу во писмото до шефовите на Конгресот.
На почетокот на годината САД го достигнаа законскиот лимит за државниот долг, што тогаш беше 16,39 трилиони долари.
Теоретски земјата не може да зема кредити над овој плафон. Републиканците, кои имаат мнозинство во Претставничкиот дом, одбиваат да се крева плафонот на долгот.
За да се избегне платежната неспосбност Конгресот на почетокот на февруари, сепак, изгласа предлог закон што ја укинува обврската државниот долг да биде под овој законски праг до оваа сабота.
По овој датум плафонот на долгот на САД ќе биде кренат до своето сегашно ниво (16,69 трилиони долари), но тоа нема да биде доволно за на земјата да и дозволи да функционира во нормални услови, забележуваат француските медиуми.