Масовната преселба на Украинци во источноевропските членки на ЕУ за време на воениот конфликт на истокот на земјата предизвика значителен пораст на средствата што Украина ги прима од својата дијаспора.
Според украинската Централна банка, во 2017 година во земјата пристигнале 9,3 милијарди долари, испратени од Украинци што работат во странство до нивните роднини. Според првичните проценки, банката очекуваше дека во земјата ќе влезат 7,2 милијарди долари по овој основ.
– Ова е значително повеќе од директните странски инвестиции, соопшти Централната банка.
Главни дестинации за украинските работници се Полска и Словачка, каде има голема побарувачка за работна рака од истокот.