Од Владата на Република Македонија ја демантираа веста објавена на МИА а преземена од косовскиот медиум Експрес дека наводно е постигнат некаков договор помеѓу Република Македонија и Република Косово.
– Нема договор за укинување на косовските забрани за увоз на македонски производи на Косово и македонската мерка за наплата за влез на косовски граѓани и превозни средства во Република Македонија, во суштина таков договор и не е потребен затоа што со самото укинување на забраните од косовска страна ќе престане да важи и македонската мерка за наплата на надоместот бидејќи таа наша мерка е и така формулирана во самата одлука – да престане да важи кога ќе се тргне косовската забрана, велат од Владата на Република Македонија.