Корисниците на село Орешани во општина Зелениково и дел од улицата Рилски конгрес во Кисела Вода утре од 9 до 13 часот ќе останат без електрична енергија.
Регионалниот центар за управување со кризи на Град Скопје информира дека освен нив, од 9 до 14:30 часот струја нема да имаат и потрошувачите од село Катланово во општина Петровец, а од 9 до 15:30 часот корисниците од село Танушевци во општина Чучер Сандево.
Од 10 до 13 часот без електрична енергија ќе бидат корисниците од месноста Бела Земја и село Кадино во општина Илинден, а од 10 до 11 часот улицата „Павел Шатев“ во општина Центар.
Без струја од 12 до 14:30 часот ќе остане дел од улицата Прашка, а од 13 до 15:30 часот корисниците на дел од улицата Поп Богомил во општина Карпош.
Од 13 до 15 часот без електрична енергија ќе бидат улиците Гарсија Лорка и Брсјачка Буна во Шуто Оризари, а од 11:30 до 14:30 часот корисниците од селата Јурумлери и Белимбегово во општина Гази Баба.