Првиот заменик шеф на ММФ, Дејвид Липтон времено ќе ја извршува обврските на директорката на Фондот, Кристин Лагард. Таа вчера беше номинирана од лидерите на ЕУ за шеф на Европската централна банка.
Лагард, поранешна министерка за финансии на Франција изјави дека за неа претставува чест да прифати таква номинација од Брисел.
– Времено одлучив да ги прекинам своите обврски како шеф на ММФ, напиша таа на Твитер.
Од ММФ соопштија дека го прифаќаат ставот на Лагард и нагласуваат дека „веруваат во способностите на Дејвид Липтон за извршување на обврските како директор на ММФ“.
Лагард чија кандидатура за пеф на ЕЦБ треба да ја потврди ЕП, ќе го смени од функција Италијанецот Марио Драги на 1 ноември.