Цената на сировата нафта денес е различна, откако американскиот претседател Барак Обама побара од Конгресот да го одложи гласање за примена на воена сила во Сирија, соопштија аналитичарите.
За октомврискиот рок цената на испорака на Меркантилната берза во Њујорк падна за 30 центи, на 107,09 долари по барел, а истата количина на северноморската нафта од видот „бренд“ во Лондон чини 111,43 долари, односно осумнаесет центи повеќе отколку последната, пренесе агенцијата „Франс прес“.
Обама во синоќешното обраќање до нацијата изјави дека ќе и даде последна можност на дипломатијата, за да се избегне воен удар на Сирија.
-Од таа причина побарав од Конгресот да го одложи гласањето за примена на воена сила-изјави Обама наведувајќи дека државниот секретар, Џон Кери утре ќе се упати во Женева, за да се сретне со својот руски колега.
Елена Георгиевска