Бразилецот Роберт Азеведо, кој на 7 мај беше избран за нов генерален директор на Светската трговска организација (СТО), денеска вети дека ќе го заживее делувањето на организацијата.
-Ќе продолжам да работам со Вас во новото и многу предизвикувачко опкружување, рече Азевадо, кој и натаму е бразилски амбасадор во ова 159-члено тело, по седницата на СТО во текот на кој беше потврден неговиот избор, пренесуваат француските медиуми.
-Во оваа организација работам во последните 15 години и сведок сум на нејзините далеку подобри денови. На сите членови им ветувам дека заедно со нив ќе работам на враќањето на улогата и значењето што СТО го заслужува и што мора да го има, рече Азеведо.
Една од задачите на новиот лидер на СТО ќе биде обновување на преговорите за либерализација на меѓународната трговија.
Овој 55-годишник на 1 септември ќе стапи на функцијата генерален директор на СТО, кога ќе заврши вториот четиригодишен мандат на актуелниот директор Паскал Лами.