Најголемата светска крипто-платформа Binance ја претстави иницијативата „Together“, вредна 400 милиони американски долари, со цел да им помогне на индивидуалните корисници и институциите кои беа погодени од неодамнешните флуктуации на пазарот.
Иницијативата претставува чекор кон стабилизирање на крипто-индустријата и враќање на довербата во дигиталните финансии. Средствата се распределени во два фонда:
- 300 милиони долари во USDC стабилна валута– корисници кои претрпеле загуби од принудна ликвидација преку фјучерси и тргување со маржи во периодот од 10 до 11 октомври 2025 година. За да се квалификуваат, корисниците треба да имаат загуба од најмалку 50 американски долари, што претставува најмалку 30% од нивниот вкупен биланс на сметката. Исплатите ќе се извршат автоматски, во рок од неколку дена, директно на Binance сметките на корисниците.
- 100 милиони долари институционален фонд – наменет за партнери и институции кои биле сериозно погодени од пазарните осцилации. Фондот ќе нуди краткорочни заеми со ниски камати, а апликациите се достапни преку менаџерите на сметки за VIP и институционални клиенти.
Од Binance објаснуваат дека, иако компанијата не е директно одговорна за индивидуалните загуби, иницијативата е дел од поширокиот напор да се поддржи заедницата и да се поттикне доверба во крипто секторот.
„Нашите корисници секогаш се во сржта на сè што правиме. Без нивната поддршка Binance не би постоел. ‘Together Initiative’ е наш начин да покажеме дека стоиме зад заедницата, дури и во најтешките моменти“, стои во соопштението на компанијата.
Binance потсетува дека тргувањето со дигитални средства вклучува висок степен на ризик и ги охрабрува корисниците внимателно да управуваат со своите позиции и да инвестираат одговорно.
Оваа иницијатива доаѓа во време кога криптовалутите бележат значителни флуктуации, што негативно влијае на корисниците, институциите и довербата во целиот пазар. Проактивниот пристап на Binance може да се гледа како обид за стабилизација и реафирмација на лидерската позиција на пазарот.