Швајцарскиот министер за економија, Јохан Шнајдер Аман, сака да склучи спогодба за слободна трговија со Велика Бритајнија, веднаш откако земјата ќе ја напушти Европската унија, пишува денеска швајцарскиот весник „Блик“.
– Целта е јасна. Не е во ред да мине ниту ден по излегувањето на Велика Британија без нова валидна нормативна уредба, истакна Шнајдер Аман.
– Најмалку што е потребно е таа да не биде полоша од претходната спогодба, додаде тој.
Весникот нагласи дека на неодамнешниот економски форум во Давос британскиот министер за трговија Лиам Фокс изразил силен интерес за евентуалната спогодба со Швајцарија.
Британската Влада не е ополномоштена да преговара за нови трговски спогодби се додека Британија е членка на Унијата. Преговорите за Брегзит со Брисел можат да траат до 2019 година.