Повторно поскапуваат горивата, бензините за 3,5 денари, а дизелот за 1,5 денари.
Од ноќеска на полноќ Еуросупер 98 ќе се продава за 87, 50 денари за литар, Еуросупер 95 ќе чини 86 денари литар бензин. Се зголемува и малопродажната цена на нафтата, така Еуродизелот ќе изнесува 73 денари за литар а екстра лесното масло за домаќинство 61.50 денари литар.
Со одлуката на Регулаторната комисија од полноќ ќе се зголеми и цената на мазутот. Од 16 јули годинава ова е трето поскапување на цената на горивата до сега. Од тогаш до денеска цената на бензините е повисока за 10, 5 денари, а дизелот поскапе за 8,5 денари за литар.