Министерот за економија Крешник Бектеши ќе отпатува за Трст, Италија, каде утре ќе учествува на Конференцијата на високо ниво за Западен Балкан, како дел од делегација на Република Македонија, предводена од премиерот Зоран Заев.
Како што информира Кабинетот на Бектеши, на конференцијата која се организира во рамки на „Берлинскиот процес“, покрај досегашните теми кои опфаќаат инфраструктурни проекти за транспортно и енергетско поврзување и реформски мерки за нивна имплементација, соработката на младите, отворените билатерални прашања, мигрантска криза и борба со тероризмот, се очекува доминантна тема да биде регионалната економска интеграција.
– Значењето на непречената трговска соработка во регионот, инвестициската политика, енергетските и инфраструктурните проекти ќе бидат темите на кои министерот Бектеши ќе се осврне во своето обраќање пред колегите на Самитот, велат од Кабинетот на министерот за економија.