Второ издание од романот „Полицајка в кревет“

Издавачката куќа Дијалог го објави второто издание од романот „Полицајка в кревет“, од Веле Смилевски. Првото издание беше распродадено за неполни четири месеци од појавувањето.

Романот “Полицајка в кревет” на 250 страници донесува потресна приказна за балканската раскрсница на трговија со жени во која се испреплетени судбините на цела галерија ликови. Во овој криминалистичко-психолошко-еротски роман се разработува феноменот на конфликтните ситуации, кога прогонувачите и прогонуваните во еден момент доживуваат иста судбина. Во романот, и едните и другите таа судбина ја доживуваат во исто време и на исто место: седнати на обвинителна клупа.