Претставата „Волшебникот од Оз“ на Театарот за деца и младимци-Скопје е апсолутен победник на штотуку завршениот 12-ти Меѓународен фестивал на детски театри во Бања Лука, во конкуренција на 13 претстави од 10 земји.
Претставата освои четири од вкупно девет награди на фестивалот. Покрај Гранд-при наградата за најдобра претстава во целина, „Волшебникот од Оз” освои уште три награди: за режија за Бонџо Лунгов, актерска награда за Нина Деан за улогата на Дороти и актерска награда за Тања П. Кочовска за улогите на Тетка Ема и Лошата Западна Вештерка.