Јавната општинска установа Дом на култура „Драги Тозија“ вечерва во Ресен организира предновогодишен концерт на трио „Интерарт“.
Музичарите од Битола, Александар Стефановски-флејта, Емилија Ристевска Стефановска-флејта и Татјана Божиновска-пијано, во ресенскиот Сарај ќе изведат преработена класика и други дела од познати композитори.
– Трио „Интерарт“ од Битола приредија концерт и минатата година, тие се познати, почитувани и посакувани гости на публиката во Ресен. Вечерашниот концерт ќе почне со Соната од Лоие, по што ќе следуваат композиции од Доплер, Офенбах, Шуберт… Концертот е дел од богатата културна програма што ја организира нашата установа, информираат од Дом на култура „Драги Тозија“-Ресен.
Трио „Интерарт“ настапувале во Италија, Германија, Грција, Хрватска, Норвешка, Турција, САД и други држави.