Денеска во Куманово се отвори 11-тата меѓународна ликовна колонија „Карпино 2013“.
Градоначалникот на Куманово, Зоран Дамјановски им посака добредојде на 17-те уметници од различни градови на Македонија, но и од Србија, Бугарија и Белгија.
-Се гордееме што сме домаќини на три ликовни колонии, Македонската икона, Карпино и Прохор Пчински. Ликовната галерија во Куманово е една од првите, што значи дека традицијата на ументост продолжува и тоа станува добар бренд-истакна Дамјановски.
Еден од уметниците, Доне Милијановски изјави дека се радува на дружењето со останатите уметници.
-Се надевам дека се ќе помине во најдобар ред. Во врска со сликата, мојата идеја е да биде нешто од нашето поднебје. Сметам дека вопшто немаме потреба од странски колонии, кога имаме наши-нагласи тој.
Ликовната колонија годинава е посветена на починатиот поранешен уметнички директор, Драгиша Димитријевски-Шипе, а ќе трае до 14-ти август.
Елена Георгиевска