Во Домот на културата „Иван Мазов – Климе“ во Кавадарци синоќа се одржа промоција на новата книга поезија на Тихомир Јанчовски од Скопје, насловена како „Игла и конец“.
Според промотор на книгата Добрила Грашеска, Јанчовски спаѓа во редот на најактуелните поети во Македонија.
– Тој е еден од двајцата нови теоретичари кои значат нешто во овие наши простори. Тој пишува поезија на едноставен начин, што не значи дека е лесно тоа да се прави. Напротив, едноставноста најтешко може да се донесе, затоа тоа најмногу трае. Лајт мотив на неговата книга поезија „Игла и конец“ е реченицата: „Има денови кога се живее а потоа се раскажува доживеаното”. Инаку и симболично иглата и конецот значат револуција во човечката цивилизација. Со нив човекот си го променил животот, семејството. И ова книга е со таква поридобивка. На едноставен начин се создава парче добрина, рече таа и додаде оти во книгата се поместени 48 песни.