Театарoт за деца и младинци ќе ја заврши полусезоната во 2014 со одиграна сто и една претстава. Годинава првата претстава била одиграна на 9 јануари, а последните две ќе бидат претпремиерата и премиерата на новата детска, куклена претстава „Могли“. Овие две претстави ќе бидат во рамки на „Скопско лето“, на 14 и 15 јули.
– Зад нас е уште една успешна полусезона. Со истото темпо ќе продолжиме и од септември, со што до крајот на годината ќе го исполниме нашиот план да одиграме околу 200 претстави, информира Театарот за деца и младинци од Скопје.
Заклучно со 15 јуни, одиграни се 99 претстави со посета од 9.468 гледачи.