Во Битола вечер, во рамки на Битфест, солистички концерт ќе одржи Марија Наумовска, сопран.
Наумовска е родена 1986 година во Битола. Со музика почнува да се занимава на осум години. Завршува нижо музичко училиште во Битола, отсек-пијано, во класата на проф. Људмила Божиновска, а средното музичко образование, отсек-соло пеење, го продолжува во класата на проф. Пеце Митревски.
Дипломира на Факултетот за музичка уметност во Скопје, во класата на проф. М-р. Славица Галиќ-Петровска со највисока оценка. Магистерски студии завршува во 2012 година на ФМУ во класата на истата професорка. Како солист има настапувано со хоровите „Драган Шуплевски“, „“Св. Климент Охридски“, „МКЦ“ и оркестарот „Арко“.
Учествувала на повеќе фестивали, Бит-Фест, Езерски бисери – Струга, Скопско лето, Охридско лето, Штипско лето, Прилепско лето, Радовишко лето,…. Има освоено повеќе први државни награди. Посетувала семинари за соло пеење во БиХ, Германија и Франција.
Наумовска работи во Македонската опера и балет каде досега има настапено во „Волшебната флејта“ на Моцарт и „Слугинка господарка“ на Перголези, а била работно и професор по соло пеење во Државното музичко училиште – Битола.