Најстарата штипска културна манифестацијата Штипско културно лето (ШКЛ) годинава ќе го има 40.јубилејно издание. Кирил Панајотов вработен во Општина Штип денеска изјави дека ШКЛ почнува од 24 јуни, а низа на културно-уметнички содржини ќе има до 30 јули, со вкупно 35 настани, кои ќе одржуваат на повеќе локации.
Со оглед на интересот, организаторите повикуваат публиката навреме да ги следи објавите и распоредот на настаните.
– Јубилејното издание на ШКЛ е веќе подготвено и спремни сме за старт, почнуваме од следната недела од 24 јуни и се до крајот на седми месец до 30 јули имаме содржини вкупно 35 на број и се трудиме да го задоволиме интересот на публиката, изјави Панајотов.
Програмата опфаќа разни културно-уметнички содржини, концерти, претстави, изложби. Панајотов истакна дека ШКЛ останува важна платформа за промоција на културата и литературата, особено кај младите генерации, и продолжува да ги негува вредностите во градот.
Инаку, манифестација Штипско културно лето целосно е поддржана од Општина Штип.