Здружението за развој на култура и заштита на културното наследство „Контекст – Струмица“ во соработка со интернационалното движење „100 Илјади поети за промена“, на 19 ноември, со почеток во 20 часот во просторот на „Сцена 112“ ќе ги организира седмите по ред „Роднокрајни поетски средби“.
– Имаме огромно задоволство и чест да ги најавиме нашите специјални гости на овие средби – Мохамад Фарахат и Мохамад Магди Абд Рабо од Каиро, Египет. Тие ќе бидат претставени на неколку настани во државата вклучувајќи ги градовите Струмица, Скопје, Гевгелија и Радовиш, велат организаторите.
На седмите „Роднокрајни поетски средби“ е планирано да настапат десетина поети, кои ќе го претстават своето творештво.