Продукцијата „Сестри и брат Митевски – Скопје“ објавува јавен повик за аудиција за новиот филм на Теона С. Митевска, со работен наслов „Кога денот немаше име“.
– Ги повикуваме сите заинтересирани момчиња на возраст од 15 – 20 години да се пријават на отворената аудиција. За потребите на филмот се бараат 6 млади момчиња на оваа возраст за носечките улоги.
Аудицијата ќе се одржува на 14 и 15 ноември во просториите на Вардар Филм (Агенција за Филм на Република Македонија), ул. 8 Март, бр. 4, од 10 до 20 часот,, во близина на Градскиот парк, кај фонтаната.
Не е потребно претходно најавување, претходно искуство или знаење. Повелете, дојдете доколку сакате да се обидете, се вели во повикот на продукцијата.
„Сестри и брат Митевски“ досега ги има продуцирано долгометражните филмови „Како Убив Светец“, „Јас сум од Титов Велес“ и „Жената која ги избриша своите солзи“. Овие филмови досега имаат освоено над 30 нагарди, учествувале на стотици фестивали, дистибуирани се во кино мрежите низ светот.