Издавачката куќа „Бегемот“ го објави научно-фантастичниот роман „Мраз“ на Јацек Дукај, добитник на Европската награда за литература во 2009 година.
Од полски јазик романот го преведе Филип Димевски. Објавен е со финансиска поддршка од програмата Култура 2007-2013 на Европската унија.
– Научниот дел на романот, како што тврди самиот автор, е историозофија. Делото најпрво било замислено како расказ. Но, двегодишната работа изродила роман во којшто густо се сплетени политички, религиски, културолошки и економски мотиви на Царска Русија заробена под мраз.
– Тие претставуваат колористична заднина на фабулата испреплетена со историски размислувања на голем број ликови, психолошки забави на двајца протагонисти и карактеристични за авторот капитални опсервации во форма на дигресија, информира издавачот.