Во издание на Книгоиздателството „Феникс“, во едицијата Публицистика, излезе од печат публицистичкиот труд Карневали и карневализација од проф.д-р Христо Петрески.
Поднасловот на книгата е тези и хипотези, а опфатени се следниве тематски делови: дефиниција, форми и содржини, игра, пулсирање, антропологија, јазик, визуелизација, траење, актуелизација, контрола, (пре)облекување и слично.
Книгата е збогатена со уметнички фотографии од Сречко Гунчев од Струмичкиот карневал и Анастас Ќушкоски од Вевчанскиот карневал.
Целта на изданието е да се потсети на феноменот на карневалите кај нас и во светот и актуелизација на нашите најпознати карневали во: Струмица, Прилеп, Вевчани, Ратево (Беровско), Куратица (Охридско), Бегниште (Кавадаречко), Љубанци (Скопско), Цапари (Битолско), Мокриево (Струмичко) и други места.