Во рамките на манифестацијата „Велес-Град на културата 2015“ синоќа во салата „Бели Мугри“ пијано рецитал одржа младиот и талентиран 18-годишен велешанец Симеон Иванов.
Пред домашната публика Иванов се претстави со Прелудиум и Фуга во Е мол од Јохан Себастијан Бах,Етида во Ес дур од Сергеј Рахмањинов,Пасторална соната од Лудвиг Ван Бетовен и Фјунерај од Франц Лист.
Иванов вели дека овој концерт пред домашната публика за него претставувал тежок испит, но сепак успеал да го прикаже тоа што го замислил бидејќи напорно вежбал една година.
– За манифестацијата „Велес-Град на културата 2015“ на Министерството за култура во соработка со Општина Велес сметам дека е многу важна за презентирање и афирмација на нас младите уметници од сите области од културата и треба да продолжи и во наредните години,потенцира Иванов.
Инаку тој учествувал на бројни домашни и меѓународни натпревари и освојувал прво,второ и трето место.
Годинава беше матурант во ДМБУЦ „Илија Николовски Луј“ во класата на професор Глигор Гелебешев, а сега се подготвува за упис на Факултетот за музичка уметност во Скопје.