Од 16-ти до 22 март во Кинотека на Македонија ќе се одржува традиционалната недела на италијански филмови „Прозорец кон италијанскиот филм” со секојдневни проекции од 20 часот.
Филмската ревија в понеделник ќе биде отворена со филмот на браќата Тавиани „Фармата на чучулигите”, а во наредните денови ќе бидат прикажани уште шест филмови од италијанската кинематографија, со превод на македонски јазик, соопшти Амбасадата на Италија, организатор на манифестацијата.
Од вторник до недела ќе бидат прикажани и: „Индустристијалецот“, „Maternity blues“, „Еквилибристи“, „Сто клина“, „Добро утро, тато“ и „Столот на среќата“. Сите проекции се бесплатни за посетителите.