Во велешкиот Народен театар синоќа беше промовирана книгата „Дневникот на хулиганот“ на Сашо Димоски, а актерот Васил Зафирчев на сцена изведе перформанс.
По изведбата на перформансот на Зафирчев, авторот Димоски им ја потпишуваше книгата на читателите кои го купија неговото дело.
– Кога книгата некој ја вградува како уметност, тоа е растење внатре во душата и тоа за мене се прекрасни чувства, потенцира Димоски.
Промоцијата и перформансот се дел од мултимедијалниот проект, кој е во копродукција на „Арт-Маркетинг“ и „Тулип Про“.
Ова е трета промоција на книгата на Димоски. Книгата досега се промовираше пред публиката во Скопје и Битола, а по Велес ќе биде промовирана и во Охрид и повторно во Битола. Од септември ќе се продолжи со промоција и во другите градови во Македонија.