Најновиот роман на познатиот македонски писател за деца Киро Донев „Јамболлија што лае“ денеска беше промовиран во Центарот за култура „Бели мугри“ во Кочани. Романот е во издание на издавачката куќа „Македоника литера“.
– Се работи за најново дело на познатиот детски писател Киро Донев. Тоа е роман сказна во која животните зборуваат, роман во кој се опишува менталниот склоп на животните: кучињата, мачките, птиците, истакна писателот Горјан Петрески, кој беше и промотор на делото.
Промоцијата се одржа под покровителство на општина Кочани и градоначалникот Ратко Димитровски. Романот „Јамболлија што лае“ финансиски е поддржан од Министерството за култура.