Новата книга на амбасадорот д-р Ѓорѓи Филипов со наслов „Разумни сили” ќе биде промовирана вечер во галеријата „Остен“.
Книгата содржи куси написи на лични доживувања или размислувања на темите љубов, мудрост, доблест, вистина и правда, наречени „Разумни сили” кај човекот.
Авторот на поимите не им пристапува од теолошки, религиозен, социолошки или филозофски аспект, туку од литературна, прозно-поетска гледна точка, со што тие добиваат поинаква, динамичка компонента, подеднакво станувајќи привлечни и за љубителите на белетристиката, како и за љубителите на духовната или филозофската литература.