Книгата филозофски разговори „Разговорница“ од Кристина Николовска денеска ќе биде промовирана во „Матица ексклузив“. Промотори ќе бидат Јордан Плевнеш и Венко Андоновски, а музички настап ќе има маестро Борис Трајанов.
Книгата содржи разговори за уметноста и филозофија на уметноста со Гане Тодоровски, Ферид Мухиќ, Јордан Плевнеш, Горан Стефановски, Борис Трајанов и Венко Андоновски.
Кристина Николовска е писател, универзитетски професор, теоретичар на литература, литературен критичар, есеист, поет, антологичар, менаџер на кампањи. Николовска е редовен професор на Филолошкиот факултет „Блаже Конески“ во Скопје. Член е на Друштвото на писателите на Македонија.
Автор е на дванаесет книги поезија, теорија на литература, литературна критика и есеистика, монографии и филозофски разговори.