Во Градската библиотека „Браќа Миладиновци“ во Скопје вечер ќе биде промовирана книгата „Насликано време“ од Стојан Тарапуза, добитник на наградата „Ванчо Николески“ за 2014 на Друштвото на писатели на Македонија.
За најновата поетска книга за деца на Тарапуза ќе зборува Кристина Николовска, а стихови ќе интрепретира актерот Томе Витанов.
Стојан Тарапуза е роден 1933 година во Злетово. Пишува поезија и проза за деца и поезија за возрасни. Автор е на многу дела од македонската литература за деца. Негови попознати книги се „Дамбара, дунбара“, „Деновирки“, „Седум брода“,„Ѕуница пауница“,„Златици крилатици“,„Зборови по дворови“,„Шарки жарки“ и други. Добитник е на повеќе награди и признанија.