На 19. декември (сабота), во „Децата од нашата улица“ (Ленинова 29), ќе се одржи промоција на книгата „Од збор до збор“ на Тихомир Јанчовски.
Книгата го имаше своето електронско издание во 2013 година, во книготеката на офф.нет, а сега излегува и во печатено издание.
„Од збор до збор“ е избор од досега објавената поезија на авторот. За книгата ќе зборува Владимир Мартиновски.
Стихови ќе читаат: Зоран Тортевски, Јовица Ивановски, Ѓоко Здравески, Бојан Марина, Милош Б.А. и други.
Почеток: 20 часот
По промоцијата ќе следи џем-сејшн. Специјални гости во музичкиот дел се Добрила Грашеска и Драган Гиновски.