Денеска во Старата скопска чаршија беше отворена традиционалната манифестација „Денови на занаетчиство 2013 година“.
Во рамките на Денови на занаетчиството, ќе се презентираат и средните стручни училишта од Скопје.
Пролетниот базар ќе трае до сабота, а сите заинтересирани може да ги посетат дрвените куќарки поставени пред Домот на занаетчии во чаршијата.
Раководителот на секторот за локален економски развој на Град Скопје, Слободан Ќосев, рече дека грнчарството, резбарството, кујунџиството, самарџиството и наланарството се реткост во Македонија и покрај фактот што со децении биле едно од основните обележја на нашата култура и традиција.