Во Центарот за култура „Браќа Миладиновци“ во Струга од денеска до 12 овој месец ќе бидат прикажани филмови на „Анимакс Скопје фест“ од 2011 и од 2012 година.
Како што информира „Анимакс Скопје фест“, стружани ќе имаат можност да погледнат филмовите, победници и добитници на специјални награди на фестивалот.
На програмата ќе бидат прикажани и филмови од официјалната програма на фестивалот од 2012 година.
На фестивалот „Анимакс Скопје фест“ учествуваат филмски остварувања од уметноста на анимацијата, од повеќе земји, со карактеристичен и вондреден уметнички израз.