Одбележувањето на карневалот, како и секоја година, завршува денес, со ручек од посно гравче кое го даваат „Прилепските мечкари“. Тоа е традиција и секоја година се одржува во некој верски објект, каде касапите се молат за прошка на своите гревови, а потоа се служи ручекот со посен грав кој претставува вистински специјалитет, зашто е подготвен само на масло, без вода.
„Традиционално еснафот од касапи го организира посниот ручек, поминавме добро и оваа година и успешно го затворивме 16-тиот по ред карневал „Прочка 2017“, посочи Ванчо Георгиев, претседател на здружението „Прилепски мечкари“.
Според градоначалникот Марјан Ристски оваа е вековна традиција, а всушност традицијата на мечкарите започнала токму од касапите, ние како град и општина Прилеп им даваме максимална поддршка не само на карневалот туку и на ова традиционално дружење“, посочи градоначалникот Ристески во својата изјава.
Сношти беа доделени и наградите на Меѓународниот карневал „Прочка 2017“. Во продолжение Ви ги приложуваме истите со слики и текст:
Наградени детски маски:
ДЕТСКА ТРАДИЦИОНАЛНА МАСКА:
„Плашило за на бостан“- ОУ „Рампо Левката“
„Весели ежиња“ – Крушево
„Лош дедо бре“ – ОУ „Климент Охридски“
ДЕТСКА СОВРЕМЕНА МАСКА:
„Веселиот танц на Пигмејците“ – ОУ „Блаже Конески“
„Вежтерки“ – танцов клуб Зодијак
Флинстонс – ОУ „Климент Охридски“
ДЕТСКА ТЕАТРАЛНА МАСКА:
„Древен Египет“ – ОУ „Кочо Рацин“
„Господарки на традиционалното јапонско време“ – ОУ „Добре Јованоски“
„Пантомимичари“ – ОУ „Кире Гаврилоски –Јане“
Награди за возрасните учесници:
ТРАДИЦИОНАЛНА МАСКА
„Чума„ – СОУ „Ѓорче Петров“
„Орашачки џаламари“ – Куманово
Илинденско востание – Мокриево
СОВРЕМЕНА МАСКА
„Карневал“ – Зодијак
„Разиграни вонземајни и роботи“ – СОУ „Ристе Ристески Ричко“ и „Кузман Јосифоски – Питу“
„Сонце и месечина“ – СОУ Гимназија „Мирче Ацев“
ТЕАТРАЛНА МАСКА
„Астерикс и Обеликс от Прилеп“ – Прочкари
„Курјачки Времеплов“ – Куратица
„Девојчето и сениште“ – СОУ „Орде Чопела“
Најмаска – „Хавајски палми“ во Прилеп од ОУ „Климент Охридски“