Претседателот македонското друштво „Илинден“ со седиште во Тирана Никола Ѓурај се сретна со претставници на Институтот за старословенска култура во Прилеп, Александар Василески историчар на уметноста и археологот Дејан Кебакоски.
На средбата досегашната соработка била оценета како добра и биле изразени заложби за нејзино унапрдување.
Претседателот на „Илинден“ вработените од институтот ги запознал со најновите активности на друштвото и ја нагласил потребата од соработка на полето на размена на сознанија и информации кои се однесуваат на Македонците во Албанија.
– Беше истакната вземната заложба дека со голем број на истражувања, од страна на македонските научници во пределите каде живеат Македонци во Република Албанија, ќе бидат зачувани и овековечени македонските корени на населението, нивната традиција и историја. Соговорниците со став дека за проширување на соработката неопходна е помош и подршка и од соодветните државни институции во Република Македонија, пренесува елекронското издание на единствениот весник на македонски јазик во Албанија „Илинден“.
Во оваа прилика за библиотеката на Институт донирана е колекција од сите броеви на весникот „Илинден“ кој се издава веќе седум години, како и други публикаци на македонско друштво „Илинден”.